Visita a nosa adega nas Rías Baixas

Visita a nosa adega nas Rías Baixas

A nosa adega Pazo Baión pertence á denominación de orixe Rías Baixas, concretamente á subzona Salnés. Situada no concello de Vilanova, atopámonos nunha das zonas vitivinícolas do mundo que experimentaron un crecemento e unha mellora de calidade máis importantes nos últimos anos. Os recoñecementos internacionais e os datos de exportacións apoian o traballo e o esforzo de todos os que poñemos tanto mimo por achegar ao consumidor nosas diferentes elaboracións de albariños.

O especial microuniverso que compón a leira que rodea aos magníficos edificios históricos que compoñen as nosas instalacións, fai que os enoturistas que apostan por deixarse atrapar pola beleza de Pazo Baión durante unhas horas, disfruten dunha visita difícil de esquecer. A D.O. Rías baixas, creouse a partir do ano 1988, data na que se constituíu o consello regulador, un órgano que garantiu, desde a súa creación, un selo de garantía e control da calidade dos viños que se elaboran nas adegas rexistradas, 177 na actualidade. Os nosos viños buscan esa excelencia pola que tanto se loitou na comarca e lograron moi boas puntuacións en concursos e guías.

Pertencemos, así mesmo, á Ruta do Viño Rías Baixas, que xa conta con máis de dúas décadas de historia achegando aos turistas á cultura do viño na nosa zona. Unha experiencia única que che permitirá ver e sentir a esencia do traballo dos viticultores e adegas que traballan cada día por levar ao mercado o mellor da uva variedade Albariño, a raíña dos nosos viñedos.

A natureza, os viñedos, a historia que rodea a Pazo Baión, os nosos viños… escolle o teu motivo e non deixes de vir visitarnos. Aproveita a túa visita a Galicia e reserva o teu circuíto de enoturismo connosco!

Deixa unha resposta

O teu enderezo electrónico non se publicará Os campos obrigatorios están marcados con *